Vår festival gjev deg høve til å oppleve både den musikkmønstringa ein musikkfestival skal vere, og Bø Sommarland med sine varierte aktivitetar og tilbod.

Sommarlandfestivalen kan by på:

• Parade gjennom Bø sentrum fredag
• Speleoppdrag i Bø Sommarland
• Speleoppdrag i Bø sentrum
• Foajékonsert i Gullbring kulturanlegg
• Stompworkshop for slagverkarar
• Gehørworkshop for blåsarar
• Korseminar som avsluttast med konsert.
• Kyrkjekonsert i Bø kyrkje
• Speleoppdrag på Bø sjukeheim
• Festkonsert i Gullbring Kulturanlegg
• Tilbod om kinoforestillingar laurdag kveld
• Stort diskotek på laurdagskvelden!
• Speling på utegudsteneste. Søndag på Kvennøya, Bø museum.
• Parade gjennom Sommarland søndag

Litt om nokre av speleoppdraga:

Foajékonserten:	Konsert i foajéen i Gullbring Kulturanlegg laurdag føremiddag, med konferansier
Speleoppdraga i Bø Sentrum:	Konsert på torget i Bø, laurdag føremiddag, med konferansier.
Speleoppdraga i Bø Sommarland:	Konsertar på ulike stader i Sommarland, med konferansier. Både laurdag og sundag.
Kyrkjekonserten:	Konsertinnslaga må passe inn i kyrkjerommet. Dette er dirigent / musikalsk leiar sitt ansvar.
Korseminar:	Kordeltakarane samlast til eit stort felleskor. 3-4 fellesnummer øvast inn, og dette blir framført på konserten seinare på dagen!
Workshops:	Tre timar instruksjon med profesjonelle instruktørar med rytmer og gehørspel for blåsarar og slagverkarar. Framføring på festkonserten laurdag kveld.
Festkonserten:	Laurdag kveld i Storsalen i Gullbring. Arrangørane vil legge vekt på å setje saman ein allsidig konsert som viser både breidda og kvaliteten i vår musikkfestival. Både lag, ensemble og solistar kan delta.
Paradane:	Er for alle deltakarane.

Arrangørane vil så langt det er mogleg gje alle laga minimum 2 speleoppdrag under festivalen i tillegg til paradane. Påmelde lag vil tidleg på våren få melding om kva speleoppdrag dei er blitt tildelt.